Policia e Kosovës thellon bashkëpunimin me policinë e Shqipërisë dhe Maqedonisë - Bota Sot
Policia e Kosovës thellon bashkëpunimin me policinë e Shqipërisë dhe Maqedonisë

Aktuale

Policia e Kosovës thellon bashkëpunimin me policinë e Shqipërisë dhe Maqedonisë

Më: 26 dhjetor 2018 Në ora: 16:09
Drejtori i Përgjithshëm i Policisë së Kosovës Rashit Qalaj sot priti në takim zyrtar drejtorët e policive të dy shteteve, asaj të Shqipërisë dhe të Maqedonisë

Drejtori i Përgjithshëm i Policisë së Kosovës Rashit Qalaj sot priti në takim zyrtar drejtorët e policive të dy shteteve, asaj të Shqipërisë dhe të Maqedonisë, me të cilët bisedoi për avancimin e mëtejmë të bashkëpunimit ndërinstitucional, i cili do të ndikojë në ngritjen e sigurisë së përgjithshme te të tri vendet dhe më gjerë.

Në takim u tha se qëllimi i bashkëpunimit dhe bashkërendimit të aktiviteteve policore do të ndikojë në mënyrë pozitive edhe në parandalimin e krimit të organizuar dhe atij trans-kufitar.

Drejtori Qalaj falënderoi dy drejtorët e policive Ardi Veliu dhe Sasho Tashevski për vizitat e tyre të cilat do të shërbejnë për të forcuar bashkëpunimin reciprok.

Drejtuesit e të tri agjencioneve u zotuan për ngritjen e mëtejme të bashkëpunimit dhe realizimit të takimeve të ndërsjella edhe në të ardhmen.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...