Nënshkruhet marrëveshja për vetëm një pikë kufitare Kosovë-Shqipëri - Bota Sot
Nënshkruhet marrëveshja për vetëm një pikë kufitare Kosovë-Shqipëri

Aktuale

Nënshkruhet marrëveshja për vetëm një pikë kufitare Kosovë-Shqipëri

Më: 29 dhjetor 2018 Në ora: 17:41
Dy Ministrat e Brendshëm të Shqipërisë dhe të Kosovës kanë nënshkruar një marrëveshje për ngritjen e ngritjen e pikave të përbashkëta të kalimit kufitar.

Dy Ministrat e Brendshëm të Shqipërisë dhe të Kosovës kanë nënshkruar një marrëveshje për ngritjen e ngritjen e pikave të përbashkëta të kalimit kufitar.

Kjo marrëveshje do të thotë që shtetasit, automjetet dhe mallrat, të cilët hyjnë ose dalin nga territori i palëve, u nënshtrohen kontrolleve të përbashkëta nga autoritetet përkatëse përgjegjëse, vetëm një herë, bazuar në parimin “Një ndalesë, një kontroll”.

Ministri i Brendshëm i Shqipërisë, Sandër Lleshaj tha se ky është hapi i parë drejt finalizimit të heqjes së plotë të kontrolleve në kufi.

Mesazhi i Sander Lleshajt

“Për mua është një kënaqësi që të nënshkruajmë një marrëveshje shumë të rëndësishme. Së pari ju përcjell përshëndetjet e kryeministrit Rama që tha do të vijë vetëm kur të hiqen plotësisht kontrollet.

Me këtë marrëveshje ulim 50% kohën e pritjes dhe sigurisht objektivi është për ta çuar në zero kohën e pritjes. Pra, ne po punojmë për të eliminuar plotësisht kontrollin drejt kufijve të përbashkët. Ky është një hap për lirinë e lëvizjes.

Çdo hap të rritjes së lirisë së lëvizjes ta shoqërojmë edhe me rritjen e sigurisë.

Ne po punojmë intensivisht për të krijuar të gjitha mekanizmat e duhur për lirinë e plotë të lëvizjes. Hapi tjetër është nënshkrimi i një marrëveshje midis dy qeverive për eliminin e plotë të kontrolleve. Është një hap drejt vendosjes së standardeve të mirëfillta si në të gjithë kufijtë e Evropës”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...