Ahmeti: Mogherini tha se Brukseli s’e cakton kë e dërgon Kosova për negociata - Bota Sot
Ahmeti: Mogherini tha se Brukseli s’e cakton kë e dërgon Kosova për negociata

Aktuale

Ahmeti: Mogherini tha se Brukseli s’e cakton kë e dërgon Kosova për negociata

Më: 8 janar 2019 Në ora: 19:04
Shpend Ahmeti

Bashkëkryesuesi i ekipit negociator, Shpend Ahmeti, pohoi se në takimin në Bruksel me diplomaten e BE-së Federica Mogherini, u qartësuan shumë gjera, mes tyre edhe detyrat e ekipit negociator.

Ai tha se janë pajtuar lidhur me atë se Kosova vendosë kë do e dërgojë të negocioj me Serbinë, e jo BE-ja.

“Mogherini shprehu kënaqësinë që është grup gjithëpërfshirës. Ajo tha se BE-ja nuk e cakton se kë e dërgon Kosova për negociata”.

“Rezoluta është e qartë edhe për rolin e delegacionit edhe për rolin e presidentit dhe kryeministrit. Delegacioni shtetëror është i vetmi që mund të negociojë dhe të arrijë marrëveshje në konsultim me krerët shtetëror. Edhe Mogherini u pajtua që nuk është roli i Brukselit të caktojë se kush duhet ta përfaqësoje Kosovën. Ne kemi mandat që buron nga kuvendi dhe i raportojmë kuvendit”.

Ahmeti gjithashtu dha një afat kohor të mundshëm për arritjen e marrëveshjes Kosovë-Serbi.

“Sipas Mogherinit, është një mundësi qenë pjesën e parë të 2019’ës të arrihet një marrëveshje me njohje reciproke, në kuadër të vlerave evropiane”, tha Ahmeti në Klan Kosova.

Bashkëkryesuesi i delegacionit kosovar bëri të ditur se në këtë takim është potencuar se Kosova është e gatshme të vazhdojë me dialogun dhe se takimet me përfaqësuesit e BE-së do të intensifikohen.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...