Haradinaj reagon ashpër pas marshit të organizuar nga serbët në Banjallukë, kritikon BE-në - Bota Sot
Haradinaj reagon ashpër pas marshit të organizuar nga serbët në Banjallukë, kritikon BE-në

Aktuale

Haradinaj reagon ashpër pas marshit të organizuar nga serbët në Banjallukë, kritikon BE-në

Nga: D.RR Më: 10 janar 2019 Në ora: 16:06
Ramush Haradinaj

Kryeministri i Kosovës, Ramush Haradinaj, ka reaguar ashpër pas marshit të organizuar nga serbët në Banjallukë në të cilin këndoheshin këngë të cilat bëjnë thirrje për hakmarrje dhe pushtim të Kosovës.

Ai ka kërkuar nga BE që të reagoj për këto thirrje, duke i quajtur destabilizuese për Ballkanin, transmeton “Bota sot”.

Haradinaj e ka quajtur mosreagimin e BE-së si të disbalancuar.

Ai ka thënë se skena të tilla ia sjellin ndërmend aparaturën e Sllobodan Millosheviqit.

Postimi i plotë:

Provokimet e Serbisë ndaj Kosovës vazhdojnë, tash në satelitin e tyre të quajtur Republika Srpska. Fatkeqësisht Serbia refuzon aktivisht integrimin dhe përqafimin e vlerave europiane.

Në Banjallukë një njësit me tipare të pastërta paramilitare në marshin më provokues që synon destablilizimin e tërë Ballkanit këndon këngën e “Heronjëve të Kosovës”, e cila në tekstin e saj thërret për hakmarrje dhe pushtim të Kosovës. Njësiti dhe kënga gjenocidale përcillet me thirrjet kundër Bashkimit Europian.

Kjo skenë që përkujton sentimentin gjakpirës të aparaturës së Millosheviqit, bëhet në nder dhe para Kryeministres kukull të Vuciqit, Ana Bërnabic dhe Ministrit të Mbrojtjes kukull të Rusisë, Aleksandar Vulin.

Përderisa Bashkimi Europian shfrytëzon të gjitha kanalet për të bërë presion ndaj Kosovës për një masë legjitime dhe ligjore siç është taksa, e e cila përdoret edhe nga shtetet e zhvilluara siç janë ShBA, Franca, Kanadaja etj., vendosë të mbyllë sytë ndaj kësaj skene e cila bën thirrje për luftë e gjenocid.

Edhe përkundër këtij disbalansi të politikës së Bashkimt Europian, Kosova është e përkushtuar që të jetësojë idealet europiane në ekonomi, sundim të ligjit, mbrojtje e zhvillim. Synimi ynë strategjik është integrimi dhe anëtarësimi euro-atlantik dhe përqafimi i vlerave të demokracisë, përderisa Serbia ka Rusinë si alternativë kërcënuese në zemër të Europës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...