Sot bëhen 20 vjet nga vrasja e veprimtarit dhe gazetarit të shquar, Enver Maloku.
Atë më këtë rast, e ka kujtuar bashkëpunëtori i ngushtë i ish-presidentit Ibrahim Rugova, Adnan Merovci, përmes një postimi në Facebook.
Merovci, ka thënë se Malokut, nuk mundën t’ia vrasin guximin e fjalës së lirë, as kur e plagosën.
Ai ka thënë se jetën ia morën pabesisht para 2 dekadash por guximin jo!
“Atë që nuk mundën t’ia vrasin Enverit, ishte guximi i fjalës së lirë, që asnjëherë nuk u ndal, as kur tinëzisht e plagosën. Jetën ia morën pabesisht para 2 dekadash por guximin jo!”, ka shkruar Merovci në një postim në Facebook, të cilit ia ka bashkangjitur edhe një fotografi./BS