Kryeministri i Kosovës, Ramush Haradinaj, ka takuar në mëngjesin e sotëm, Ministrin e Inovacionit dhe Ndërmarrësisë, Besim Beqaj.
Ai përmes një postmi në Facebook, ka shkruar se Qeveria e vendit do të jetë partner në avancimin e ndërmarrësisë inovative, transmeton gazeta “Bota sot”.
Më poshtë shihni reagimin e tij të plotë:
Ndërmarrësia inovative është nxitje e fuqishme për rritje ekonomike. Kosova ka dëshmuar që ka potencial për të arritur tregjet botërore në këtë fushë. Mëngjesin e sotëm, zhvillova takim pune në Ministrinë e Inovacionit dhe Ndërmarrësisë, ku u njoftova për projeksionet dhe orientimet strategjike për këtë vit. Përmes lehtësirave të shumta fiskale, ndërtimin e bazës ligjore dhe krijimin e zonave ekonomike, kemi ndërmarrë hapat thelbësor për të siguruar mjedisin veprues dhe për të rritur mundësitë për sukses për çdo ndërmarrës. Qeveria e vendit do të vazhdojë të jetë partner në avancimin e ndërmarrësish inovative, si kontribuues për hapjen e bizneseve dhe gjenerimin e vende te reja pune.
