OVL e UÇK-së: Gjykata Speciale diskriminuese, po gjykohen luftëtarët e UÇK-së por jo kriminelët serbë që kryen krime në Kosovë - Bota Sot
OVL e UÇK-së: Gjykata Speciale diskriminuese, po gjykohen luftëtarët e UÇK-së por jo kriminelët serbë që kryen krime në Kosovë

Aktuale

OVL e UÇK-së: Gjykata Speciale diskriminuese, po gjykohen luftëtarët e UÇK-së por jo kriminelët serbë që kryen krime në Kosovë

Më: 14 janar 2019 Në ora: 22:12
Foto ilustrim

Organizata e Veteranëve të luftës së Ushtrisë Çlirimtare të Kosovës, ka dalur edhe me një reagim tjetër sa i përket çështjes së procesit të Gjykatës Speciale, duke e cilësuar diskriminuese.

Përmes një kumtese kjo organizatë thotë se specialja do të gjykojë luftëtarët e UÇK-së, por jo edhe kriminelët serbë që kryen krime në Kosovë.

Për më shumë ja reagimi i plotë i OVL-së:

”Krijimi i kësaj gjykate fatkeqësisht është votuar nga ana e Kuvendit të Kosovës, e cila do të funksionoj në pajtim me Kushtetutën dhe ligjet e Kosovës, dhe përkundër kritikave tona, të ftuarit duhet të përgjigjen dhe gjatë proceseve gjyqësore të vërtetojnë pafajësinë e tyre. OVL UÇK, kundërshton marrjen në biseda informative të luftëtarëve të UÇK-së me status të padefinuar, nga ana e Prokurorisë Speciale, e cila ka për qëllim që nga këto biseda informative, të siguroj prova e që pastaj të akuzoj luftëtarët e UÇK-së. Bisedat informative kanë qenë praktikë e ish sistemit jugosllav, i cili në të kaluarën i ka përdorur ato për të ngritur akuza dhe ka organizuar me qindra gjyqe nga të cilat u dënuan me mijëra intelektual dhe të rinjë e të reja shqiptarë. Duke pasur parasysh këtë përvojë të hidhur nga e kaluara, e cila fatkeqësisht po përsëritet edhe tani, Organizata e Veteranëve të UÇK-së ju bën thirrje të gjithë të ftuarve nga Gjykata Speciale, të mos pranojnë që të bashkëpunojnë me Prokurorinë Speciale, pra të mos japin deklarata pranë saj, e cila nuk ka prova, por përmes këtyre bisedave informative informative po synon që t’i nxjerr ato e për të dënuar luftëtarët e UÇK-së. Nëse Prokuroria Speciale ka mbledhë prova të mjaftueshme, ajo le t’i provojë me akuzë gjatë shqyrtimit kryesor në seanca gjyqësore, e jo ne t’i shërbejmë asaj për t’i siguruar prova kundër vetes”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...