Në mediat serbe, sot është publikuar lajmi se presidenti serb Aleksandar Vuçiq, i ka bërë dhuratë presidentit rus Vladimir Putin, një këlysh tre muajsh të Sharrit.
Por serbët, kësaj race qeni, i cili rritet në territorin e Kosovës, prej nga edhe mban emrin, iu kanë referuar si “racë autoktone serbe”.
Ndaj këtij lajmi, ka reaguar avokati i njohur Arianit Koci, i cili njihet për dashurinë e tij ndaj qenve, përcjell Bota sot.
Koci ka thënë se historia po vazhdon të falsifikohet, pasi sipas tij, Qeni i Sharrit apo Deltari Ilir është qen autokton në trojet Shqiptare, prej kohës së Ilirisë antike.
Postimi i Kocit:
Historia vazhdon të falsifikohet.
Presidenti serb Vuçiq, paska bërë gati një dhuratë për Presidentin rus Putin “qenin e Sharrit, racën autoktone serbe”.
Qeni i Sharrit apo Deltari Ilir është qen autokton në Trojet Shqiptare, prej kohës së Ilirisë Antike./BS
