Haradinaj: Serbia po drejtohet drejt BRSS-së, Kosova drejt proceseve euro-atlantike - Bota Sot
Haradinaj: Serbia po drejtohet drejt BRSS-së, Kosova drejt proceseve euro-atlantike

Aktuale

Haradinaj: Serbia po drejtohet drejt BRSS-së, Kosova drejt proceseve euro-atlantike

Më: 17 janar 2019 Në ora: 12:19
Administrata Tatimore e Kosovës (ATK) sot me një ceremoni zyrtare ka shënuar 19 vjetorin e themelimit

Administrata Tatimore e Kosovës (ATK) sot me një ceremoni zyrtare ka shënuar 19 vjetorin e themelimit, me ç’rast kryeministri Ramush Haradinaj, ka thënë se vizita e presidentit rus Vladimir Putin në Serbi, i bëri përshtypje pasi sipas Haradinajt, Serbia po orientohet drejt BRSS-së.

Ai tha se Kosova është e orientuar drejt proceseve euro-atlantike.

Haradinaj ka kërkuar parametra të ri në ATK në drejtim të luftimin të informalitetit, jo për ndëshkim por për vetëdijësim dhe integrim në BE.

Ministri i Financave Bedri Hamza, duke uruar ATK-në për përvjetorin, ka thënë se ATK ka dhënë kontribut në të hyra buxhetore dhe luftim të informalitetit.

“Vitin e parë ATK ka pasur të hyra 5 milionë euro, ndërsa në vitin 2018 ATK ka grumbulluar mbi 400 milionë euro, që është një e arritje mjaft e lartë”, theksoi ministri Hamza, shkruan KosovaPress.

Kurse, drejtori i ATK-së Sakip Imeri tha se ndër institucionet e para pas luftës kishte filluar punën ATK është duke punuar vazhdimisht për një punë efikase me prioritet  luftimin e informalitetit.

Gjatë vitit 2018 është realizuar 102 për qind e të hyrave me mbi dhjetë milionë euro më shumë se plani. Ndërsa, sipas tij, për 19 vjet janë inkasuar 5.8 miliardë euro.

Kryetari i Odës Ekonomike Amerikane Arian Zeka theksoi se ATK është një storie suksesi në këto 19 vjet. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...