Nurellari: Emërimi i Shahinit, rrëzon tezën se Cakaj u refuzua pse ishte nga Kosova - Bota Sot
Nurellari: Emërimi i Shahinit, rrëzon tezën se Cakaj u refuzua pse ishte nga Kosova

Aktuale

Nurellari: Emërimi i Shahinit, rrëzon tezën se Cakaj u refuzua pse ishte nga Kosova

Më: 17 janar 2019 Në ora: 21:31
Këshilltari i kryekuvendarit Kadri Veseli, Adri Nurellari

Këshilltari i kryekuvendarit Kadri Veseli, Adri Nurellari ka thënë se emërimi i Gent Cakaj në Qeverinë e Shqipërisë ishte ogur i mirë në raportet mes dy pjesëve të kombit.

Nurellari, në emisionin “Dossier D” në RTV Dukagjini ka thënë se mos dekretimi i kosovarit Gent Cakaj në krye të Ministrisë së Jashtme në Shqipëri nuk ka të bëjë me Kosovën.

Ai ka thënë se është ndjerë keq pasi Cakaj u bë në mënyrë të panevojshme problem i politikës së brendshme të Shqipërisë.

“Jemi në vit elektoral [në Shqipëri],  dhe duhet kuptuar këtë gjë”.

Njohësi i çështjeve rajonale ka thënë se fakti që Besa Shahini nga Kosova u emërua pa ndonjë pikëpyetje, tregon se nuk ka pasur ndonjë përçmim për Kosovën.

“Nuk do të doja që refuzimi i Cakajt të shihej si një përçmim ndaj Kosovës, nga ana e institucioneve të Shqipërisë. Fakti që është dekretuar dhe sot betuar si Ministre e Arsimit në Shqipëri, Besa Shahini, tregon se nuk ka pasur ndonjë anshmëri ndaj Kosovës”, tha ndër të tjera Adri Nurellari.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...