Para disa ditës, Policia e Kosovës ka arrestuar një person me incialet I.F. pasi i njëjti është zënë duke vjedhur naftë nga gjeneratori që gjendet në Kuvendin e Kosovës.
Lidhur me këtë rast, Kompania Schafberger e cila është në Konzorcium me kompaninë UNI Project, ka reaguar rreth këtij rasti.
“Sqarojmë se punëtori i cili është kapur duke vjedhur nafte në gjeneratorin e Kuvendin të Kosovës nuk është punëtor i Kompanisë Schafberger ,siç ka sqaruar Kuvendi I Kosovës por është punëtor I Kompanisë UNI PROJECT e cila është përgjegjëse për mirëmbajtje teknike ne Kuvendin e Kosovës. Punëtorit i është ndërprerë menjëherë kontrata dhe tani është duke u marr Policia e Kosovës me këtë rast. Me respekt, SCHAFBERGER”, thuhet në reagim.