Kryetari i Republikanëve të Kosovës Faton Kurti, ka kujtuar akademik Fehmi Aganin, i cili la gjurmë të pashlyeshme në historinë dhe pavarësinë e Kosovës.
Kurti në një postim në Facebook, ka thënë se armiqtë kanë sulmuar dhe eliminuar të parët inteligjencën, kokat e mendimit dhe patriotët e vërtetë.
I tillë sipas tij, ishte edhe Fehmi Agani, përcjell Bota sot.
Reagimi i plotë:
Lavdi përjetë Fehmi Aganit
Kur sjell ndërmend kalendarin e memories së kombit kupton qartë se armiqtë na njohin më mirë seç njohim ne veten. Ndaj dhe ata gjithëherë kanë sulmuar dhe eliminuar të parët inteligjencën, kokat e mendimit dhe patriotët e vërtetë.
I tillë ishte akademiku dhe dëshmori ynë i lirisë Fehmi Agani.
Për terrin, krimin dhe armiqtë e kombit tonë nuk ka fitore më të madhe se të na shkartisin e të na lejnë një komb pa akademikë, pa mendje të ndrituna e pa njerëz që e duan me jetë tokën dhe historinë e të parëve.