Ish-agjenti i SHIK-ut, dhe ish-eprori i lartë i Ushtrisë Çlirimtare të Kosovës, Naim Miftari, e pyet publikisht presidentin e Kosovës, Hashim Thaçi dhe Adem Grabovcin për vrasjen e Sadri Ramçës, Bahajdin Allaqit dhe Ali Ukës.
Miftari i pyet se ku i keni lanë këto kufoma të cilat, sipas Miftarit, i kanë vrarë vet ata.
“Pra, pasi ju e murrët në banesën tuaj me 240.000 marka, natën me 17. 10. 1998, atëherë ku mbeti kufoma e të ndjerit apo ndoshta, presidenti Hashim Thaçi është duke e ruajtur kufomën e tij dhe ta shpallni njëjtë, hero siç e zhdukët (vratë) atdhetarin Bahajdin Allaqin”, shkruan Miftari, transmeton gazeta “Bota sot”.
Miftari thotë se, këta u vranë në banesën e tyre në Shqipëri, të cilën e kishin përdorur si vend të ekzekutimeve.
Ja postimi i plotë:
Për presidentin e Republikës së Kosovës, Hashim Thaçi dhe sekserin e tij, Adem Grabovcin
Kam një pyetje për juve, pra po ju pyes hapur se, ku e keni lanë kufomën e atdhetarit Sadri Ramçës?
Ramça ishte ish-epror ushtarak dhe poashtu bashkëpunëtor i ngushtë i kolonelit Ahmet Krasniqi.
Pra, pasi ju e murrët në banesën tuaj me 240.000 marka, natën me 17. 10. 1998, atëherë ku mbeti kufoma e të ndjerit apo ndoshta, presidenti Hashim Thaçi është duke e ruajtur kufomën e tij dhe ta shpallni njëjtë, hero siç e zhdukët (vratë) atdhetarin Bahajdin Allaqin.
Kufomat nuk ju falin, as nuk ju amnistojnë o “president”.
Gjithashtu, as varri i zëdhënësit të parë të Ushtrisë Çlirimtare të Kosovës, poashtu i vrarë në banesën tuaj, Ali Ukaj, nuk ju fal, e nuk do të ju fal as varri i panjohur i atdhetarit Sadri Ramqa, i vrarë poashtu në banesën tuaj nga ju dhe nga bosi Adem Grabovci, të cilën e kishit përdorur jo si banesë por si një vend i ekzekutimeve dhe plaçkitjeve të atdhetarëve tanë.
