Zëvendësministri Arian Daci, djali i akademikut Nexhat Daci sot vdiq në mënyrë tragjike teksa po skijonte në Brezovicë.
Ishte një ortek bore që e zu përfundi dhe ia mori jetën.
Ariani ishte i apasionuar pas skijimit, gjë që e dëshmojnë edhe aktivitetet e tij të përjavshme në këtë atraksion turistik.
Ai para 5 orësh në Instragram kishte postuar një fotografi me dy miq të tij nga Brezovica.
Lajmin për vdekjen e tij e ka konfirmuar edhe Policia e Ferizajt.
Media ka kontaktuar edhe kryeprokurorin e Prokurorisë së Ferizaj, Shukri Jasharin i cili nuk ka dashur të zbulojë indentitetin. Ai vetëm ka treguar se Prokurori i ngarkuar bashkë me hetuesit janë nisur për në vendin e ngjarjes, pas informacioneve se një person gjendet atje i vdekur.
‘’Unë e verifikoj që rasti ka ndodhur para 1 ore e gjysmë. Prokurori është nisur me hetuesit në vendin e ngjarjes. Policia na ka infirmuar se kufomën e kanë zbritur poshtë tek hotel Molika. Këto info i kemi njëherë’’’, ka thënë Jashari.
Mësohet se bashkë me Arianin ishte edhe muzikanti Ardian Bakalli.
Sipas Federatës Skitare të Kosovës Bakalli është gjetur i gjallë dhe është në gjendje të mirë shëndetësore.
Arian Daci ishte zëvendësministër i Diasporës në Qeverinë Haradinaj që prej nëntorit të vitit 2017. jetën.
