Kryeministri i Kosovës, Ramush Haradinaj ka njoftuar se nga mbrëmja e sotme të gjithë qytetarët e Mitrovicës do të jenë të furnizuar me energji elektrike dhe prodhimi në Kombinatin Trepça do të vazhdojë sipas planit.
“Nga mbrëmja e sotme të gjithë qytetarët e Mitrovicës do të jenë të furnizuar me energji elektrike dhe prodhimi në Kombinatin Trepça do të vazhdojë sipas planit të ekspertëve të KOSTT-it.
Pas implementimit të planit me zgjidhje, kapaciteti i energjisë elektrike është 63MVA. Përgëzoj ekipet e mirëmbajtjes së KOSTT-it dhe KEDS-it, për punën e palodhshme, në kushte të rënda, për ta kthyer gjendjen në normalitet”, ka shkruar Haradinaj në Facebook.
