Kryeministri i Kosovës, Ramush Haradinaj, sot u ka dërguar letër shpjeguese të gjithë kryeministrave të botës, duke ua shpjeguar natyrën e dialogut Kosovë-Serbi.
Haradinaj përmes një postimi në Facebook, thotë së dialogu Kosovë-Serbi nuk e ka statusin final të Kosovës.
Ai thotë se me anë të këtij sqarimi dërguar ndërkombëtarëve, synon që t’i jap fund propagandës serbe se statusi dhe territori i Kosovës është ende në tavolinë.
Ja postimi i plotë:
Mëngjesin e sotëm, u kam dërguar letër shpjeguese të gjithë kryeministrave të botës, me anë të së cilës u kam shpjeguar natyrën e dialogut Kosovë-Serbi.
Dialogu Kosovë-Serbi është dialog mes dy shteteve sovrane dhe për subjekt nuk e ka statusin final të Kosovës, por normalizimin e raporteve Kosovë-Serbi, me njohje reciproke.
Me atë të këtij sqarimi dhe qëndrimi, synojmë t’i japim fund propagandës serbe se statusi dhe territori i Kosovës është ende në tavolinë.
Kosova e ka përmbyllur shtetësinë e saj më 17 shkurt 2008.
RH
