Haradinaj: Nëse heqim dorë nga taksa, do të kërkohen çmime tjera për vendit tonë - Bota Sot
Haradinaj: Nëse heqim dorë nga taksa, do të kërkohen çmime tjera për vendit tonë

Aktuale

Haradinaj: Nëse heqim dorë nga taksa, do të kërkohen çmime tjera për vendit tonë

Më: 29 janar 2019 Në ora: 18:27
Ramush Haradinaj

Kryeministri Ramush Haradinaj edhe sot është shprehur kundër heqjes së taksës ndaj produkteve serbe, duke pohuar se nëse hiqet dorë kaq shpejt nga taksa, do të kërkohen çmime tjera për vendin tonë.

Nën patronatin e kryeministrit të Kosovës, Ramush Haradinaj sot në Gjakovë është mbajtur akademi përkujtimore për dëshmorët dhe martirët e rënë në Bishtazhin dhe Rogovë të Hasit 20 vite më parë.

Kryeministri Haradinaj tha se nuk është e dhimbshme që u vranë gjithë këta djem, por se si u vranë ata. "nuk i morën armët, i lanë për ata në zonë, shkuan duar thatë. Vetëm që mos me ua mungu ndonjë armë UÇK-së. E kanë bërë me vetëdije. Jo thoshin se juve ju duhen më shumë se jeni këtu. Shiheni pra se çfarë atdhedashurie e për lirinë. Në atë kohë për të bërë një sakrificë të tillë pa armë, e me uniformë është dashur ta vlerësosh në maksimum. Pas një viti luftë, kishim ardhur në rrethana që ishte problem me gjet një armë", tha Haradinaj.

Ai tha se nuk kishte ditë më humbëse në Dukagjin, se sa dita kur kishin humbur jetën gjithë këta djem. Ai shtoi se pas 20 vitesh, ndoshta harrohet ky dimension, mirëpo ata që kanë qenë në vijë të luftës ishin shumë të vendosur për liri.

Haradinaj përmendi edhe taksën, duke e lidhur kështu me sakrificën e të heronjve. "Nëse sot e heqim taksën, kjo do të thotë se jemi deri këtu, nuk jemi për të drejtën tonë. Edhe atëherë ka pas njerëz që e kanë ditur çfarë po duan, edhe do të ketë. Mos të harrojë askush se nuk kemi qenë më të dobët, se sa kur jemi përballur me Millosheviqin. Nëse ne heqim dorë shpejtë, do i kërkohen çmime tjera vendit tonë. Pa një hjekje nuk ka sukses”, ka shtuar Haradinaj.

Ndërsa, kryetari i Komunës së Gjakovës, Ardian Gjini tha se gjatë ditës së sotme po ashtu kanë bërë homazhe, për nder të të rënëve. "20 vjet kanë kaluar, por ndjenja është sikur të ndodhte dje. Janë rrit mbesa, janë rrit fëmijë. Kjo ndjenja që sikur ka ndodhur dje, duhet të na bëjë që mos të harrojmë çfarë ka ndodhur", u shpreh ai.

Në emër të ish-luftëtarëve, foli Dervish Tahiri ku u shpreh se sot pas 20 viteve e ka shumë të vështirë të flas për atë kohë. "Momenti pse ishin nis në atë kohë, e ka krijuar nevoja, nevoja për armatim. Rrugëtimi shkoi mirë deri tek ura e Bishtazhinit, janë vërejt tri katër hije te ura e vjetër, lind dyshimi se dikush është në prit, në atë moment kanë filluar zjarre në të dyja anët. Në pamundësi se vetëm tri armë të gjata kishim, na kanë mbet dy bashkëluftëtarë të vrarë", tha ai.

Në emër të familjarëve ka folur edhe Gegë Lleshi. Ai tha se bashkëluftëtarët para 20 viteve e mundën acarin e ftohtë të janarit dhe katër pritat. "Ky rrugëtim i këtyre trimave, tregon më së miri betimin për çlirimin e mëmëdheut. Amaneti i dëshmorëve është liria dhe zhvillimi i Kosovës", ka përfunduar Lleshi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...