Presidenti i Serbisë, Aleksandar Vuçiq dhe komesari evropian për raporte fqinjësore dhe bisedime rreth zgjerimit Johanes Han, në bisedën telefonike kanë shqyrtuar situatën në Ballkanin Perëndimor, posaçërisht raportet mes Beogradit dhe Prishtinës si dhe hapat e mëtutjeshëm në rrugën evropiane të Serbisë shkruan “Blic”, transmeton “Bota sot”.
Si është kumtuar nga zyra informuese e presidencës, Vuçiq komesarit Han përsëri i ka treguar pasojat që taksa në mallrat serbe si masa të njëanshme jo përgjegjëse të Prishtinës kanë në raportet dhe stabilitetin në regjion.
Ai edhe njëherë ka shpreh gatishmërinë e Serbisë për vazhdimin e dialogut, pasi që Prishtina të heq dorë nga taksat e padrejta të cilat përveç ekonomisë serbe rrezikojnë edhe jetën e përditshme të serbëve në Kosovë.
Presidenti Vuçiq iu falënderua komesarit Han në mirëkuptimin dhe angazhimin që problemet ekzistuese të zgjidhen. Komesari Han përshëndeti gatishmërinë e Serbisë që të ruhet paqja dhe stabiliteti.