Kadri Veseli: Askujt nuk do t’i ulet paga, që nga sot ka vetëm rritje

Aktuale

Kadri Veseli: Askujt nuk do t’i ulet paga, që nga sot ka vetëm rritje

Më: 2 shkurt 2019 Në ora: 11:36
Kuvendi i Kosoves

Kryetari i Kuvendit të Kosovës, Kadri Veseli ka paralajmëruar sot votimin e Ligjit për Paga në sektorin publik.

I pari i PDK-së ka thënë se askujt nuk do t’i ulet paga ekzistuese dhe se do të ketë vetëm rritje.

“Sot, bashkë me Ligjin e Buxhetit, po miratojmë edhe Ligjin e Pagave për sektorin publik në shtetin tonë. Me këtë ligj, po i japim fund arbitraritetit dhe anarkisë që kanë mbizotëruar në këtë fushë për pothuajse 20 vjet. Pagat u janë rritur të gjithë mësimdhënësve, personelit shëndetësor, policëve, ushtarëve, shërbyesve civilë dhe të gjitha kategorive tjera në sektorin publik.

Kemi bërë një ligj të standardeve më të mira, duke respektuar meritat e secilës kategori që paguhet nga buxheti i shtetit. Askujt nuk do t’i ulet paga ekzistuese. Ligji parasheh vetëm rritje.

Tani, fokusi do të jetë në sektorin privat, për rritjen e prodhimit vendor dhe nxitjen e ndërmarrësisë të hapë vende të reja pune dhe me paga më të larta” shkruan Veseli në Facebook.

commentFirst article
Sot mund të lexoni Shfletoni kopertinat