Ka vazhduar përplasja ndërmjet deputetëve të Lëvizjes Vetëvendosje dhe atyre të PSD-së.
Derisa deputetja e Lëvizjes Vetëvendosje, Albulena Haxhiu duke folur për Ligjin per financimin e partive politike, akuzoi PSD-në se po e mban në mënyrë të paligjshme postin e nënkryetarit të Kuvendit, ka reaguar Dardan Molliqaj.
Deputeti i PSD-së, i tha Haxhiut se për Vetëvendosjen edhe nëse e ke votuar planin e Ahtisaarit, dhe ke bërë gjitha të këqijat, por kalon në VV të falen të gjitha.
“E kushdo që del nga Vetëvendosje, është tradhtar dhe i keq”, tha Molliqaj.
Ai i tha deputetes së Vetëvendosjes, që sot partia e saj i ka kërkuar nga kryeministrit Haradinaj që të mos e procedoj ligjin për pagat.
“Madje, duke i premtuar se në të ardhmen do t’ia bëjë kourumin dhe do t’i mbështes shumë ligje”, tha Molliqaj.
I menjëhershëm ka qenë reagimi i deputetes së VV-së, Albulena Haxhiu.
Ai i ka thënë Molliqajt se po shpif, për faktin se ka imunitet si deputet.
“Më vjen keq se në çfarë niveli keni ardhë dhe ku keni përfundu”, tha ajo.
