Kryetar i komunës së Prishtinës, Shpend Ahmeti i është kundërpërgjigjur kryetarit të LDK-së Isa Mustafa, pasi ky i fundit lëshoi një mori kritikash për Ahmetin, pas vendimin negativ të Gjykatës Kushtetuese për ankesën e Arban Abrashit, transmeton “Bota sot”.
LEXONI EDHE KËTË: Isa Mustafa akuzon Gjykatën Kushtetuese se i shërbeu Qeverisë për t'ia larë borxhin Shpend Ahmetit
Ahmeti në këtë postim të Facebook-ut, e ka përmendur edhe vendimin e Gjykatës Kushtetuese pro LDK-së në Istog.
Postimi i plotë:
Isa Mustafa ka deklaruar sot se ka humbur besimin në Gjykatën Kushtetuese e cila Njëzëri ka vendosur kundër kërkesës së paarsyeshme të LDK për zgjedhjet në Prishtinë.
Poashtu akademiku i nderuar paska mashtruar opinionin duke thënë se pas Kuvendit të shtunën, Gjykata ka vendosur sot kundër Abrashit.
Ne e dijmë që Isa Mustafa plot një vit ju ka thënë simpatizantëve se Gjykata do të na “rrëzojë “, por me 23 janar asaj gënjeshtre i ka ardh fundi.
1. Po e bashkangjes deklarimin e Isa Mustafes
2. Po e bashkangjes edhe vendimin e Gjykatës Kushtetuese ku në vendim thuhet se Gjykata NJËZËRI ka marr vendim me 23 janar.
3. Interesant qysh në “meselen” metaforike Isa Mustafa i referohet komunës si pronë, sigurisht e LDKsë.
4. Krejt në fund, sot Gjykata ka publikuar edhe vendimin e Istogut në favor të Haki Rugoves (LDK) e kundër Gani Dreshaj (AAK). Sigurisht për institucionalistin Mustafa ky vendim është i drejtë, por në rastin e Prishtinës është shitje e KREJT gjykatësve të Gjykatës Kushtetuese. Marrëzi antiakademike!