Ish-pjesëtari i UÇK-së, dhe ish-komandant në Luftën e Kosharës, Hisen Berisha përmes një postimi në Facebook, ka bërë një koment rreth vizitës që i ka bërë ish-komandanti i UÇK-së, Sylejman Selimi, në shtëpinë e tij, kryetarit të LDK-së Isa Mustafa.
Ai ketë takim e quan si mahnitës dhe si dikur se si kishin funksionuar zhvillimet e luftës, përcjell gazeta “Bota sot”.
“Si dikur! Së bashku të gjithë sektorët e zhvillimit të luftës, politik - financiar, shtabor, dhe operativ - taktik. Mahnitëse!”, ka shkruar Hisen Berisha.
Kujtojmë se, arsyeja e kësaj vizite ishte interesimi për gjendjen shëndetësore të Isa Mustafës.
Mustafa i ka shprehur Selimit gëzimin për lirimin e tij dhe admirimin për qëndresën e tij burrërore gjatë gjithë kësaj periudhe.