Kreu i Lëvizjes Vetëvendosjes, Albin Kurti, në emisionin “A Show” u pyet se a do të arrijë të bëhet kryeministër i ardhshëm, në zgjedhjet e ardhshme parlamentare në Kosovë.
“Po. Zgjedhjet e ardhshme duhet të jenë këtë vit. Jam i nominuar nga Këshilli i Përgjithshëm i Lëvizjes Vetëvendosje për kryeministër. Kam fituar numrin më të madh të votave në zgjedhjet e 2017-ës”, pohoi Kurti.
Sipas tij, arsyeja për mosmbajtjen e zgjedhjeve është për shkak se dihet që fitues është Lëvizja Vetëvendosje.