Në një postim të tijin në facebook, deputeti i AAK-së Muharrem Nitaj ka kërkuar nga Ekipi Negociatorë që të mos takohen me BE pa marrë përgjigje nëse deklaratat e Maja Kocinciqit kanë qenë personale të saja, apo qëndrime të BE-së.
Ja postimi i plotë i deputetit Nitaj në facebook:
“Si deputet i Kuvendit të Republikës së Kosovës, kërkoj nga Ekipi Negociator që t’i ndërpresë të gjitha takimet në Bruksel, deri në një përgjigje zyrtare nëse deklarata e Maja Kocijanciq për Trepçën është qëndrim i saj personal apo qëndrim i BE-së!
Nëse është kjo e dyta, atëherë Kosova nuk duhet ta pranojë ndërmjetësimin e Federica Megerinit në këto bisedime.
Trepçën as komunistët jugosllavë nuk e kanë parë si aset të Serbisë!
Dhe për kujtesën e të gjithëve e posaçërisht të këtyre zyrtarëve të Bashkimit Evropian, në Trepçë ka filluar shkatërrimi i Jugosllavisë Komuniste!
Muharrem Nitaj, deputet i Kuvendit të Republikës së Kosovës”.
