Lajmi për kirurgun nga Prizreni që u soll në mënyrë aspak etike me pacienten, e që u bë tepër viralenë internet, mori reagime të ashpra si nga institucionet ashtu edhe nga qytetarët e thjeshtë gjatë tërë ditës.
Lidhje me këtë ngjarje, fuqishëm ka reaguar edhe Ministri i Shëndetësisë Uran Ismajli i cili ka kërkuar suspendimin nga puna të menjëhershëm të mjekut.
E tash, në orët e vona, po ministri Ismajli përmes profilit të tijë në Facebook ka njoftuar se mjeku në fjalë është suspenduar dhe se kjo sipas ministrit duhet të jetë mësim për të gjithë mjekët e tjerë se si të qasen ndaj pacientëve, duke mos abuzuar me punën e tyre.
Ky është postimi i plotë i ministrit Ismajli në Facebook.
Sapo u njoftova që kirurgu në Prizren është suspenduar nga menaxhmenti i Spitalit të Prizrenit. Ky reagim duhet të jetë mësim për të gjithë ata që abuzojnë me pozitat dhe besimin e dhënë. Do të vazhdojmë të investojmë në sistemin shëndetësorë dhe në të gjithë punëtorët shëndetësorë me integritet dhe etikë të lartë. Por, nuk do të kemi tolerancë ndaj abuzimeve.