Ministri i Zhvillimit Ekonomik, Valdrin Lluka, përmes një statusi në rrjetin social “Facebook”, ka shkruar për nënshkrimin e kontratës komerciale për rehabilitimin e linjës së 10-të hekurudhore, segmenti Fushë Kosovë - Hani i Elezit, përcjell Bota Sot.
Lluka ka shkruar se kjo linjë mundëson transport më të shpejtë dhe më të lirë për qytetarët dhe mallrat, si dhe, mundëson lidhjen e Kosovës me hekurudhën pan evropiane.
Ai thotë se përmes kësaj hekurudhës transporti I mallrave është rreth 40% e kostos së transportit rrugor, që do të thotë më shumë kursime për bizneset
Postimi i plotë:
Nënshkrimi i kontratës komerciale për rehabilitimin e linjës së 10-të hekurudhore, segmenti Fushë Kosovë - Hani i Elezit, të financuar nga Komisioni Evropian, Banka Evropiane për Rindërtim dhe Zhvillim si dhe buxheti i Kosovës.
Kjo linjë mundëson transport më të shpejtë dhe më të lirë për qytetarët dhe mallrat, si dhe, mundëson lidhjen e Kosovës me hekurudhën pan evropiane.
Fakte teknike: shpejtësia maksimale në hekurudhën e tanishme është 50 kmh kurse pas rehabilitimit do të jetë 120 kmh.
Transporti i mallrave përmes hekurudhës është rreth 40% e kostos së transportit rrugor, që do të thotë më shumë kursime për bizneset, produkte më të lira për qytetarët dhe çmime më konkurruese të eksportit në Evropë.
