Avokati kosovar, Arianit Koci përmes një statusi në rrjetin social Facebook, ka reaguar ndaj rastit të abuzimit së të mitures nga Drenasi.
Koci ka thënë se ky rast i ka shqetësuar dhe frustuar të gjithë jashtë mase.
Në anën tjetër, avokati i njohur ka bërë thirrje për kujdes ndaj deklaratave, që në këtë rast mos të përfshihet e gjithë policia.
Në fund, Koci ka thënë se beson që të gjithë pajtohen se në mesin e policëve, ka shumë individ që në baza ditore, sakrifikojnë çdo ditë që ne ta kemi jetën më të sigurt.
Postimi i plotë i Kocit:
Rasti i të miturës që sipas fjalëve të saj, është dhunuar nga ana e policit, na ka shqetësuar dhe frustuar jashtë mase.
Katastrofë!
Në fakt, ky është një prej lajmëve më të kqija viteve të fundit.
Nuk e di që ka më keq se një polic ta dhunoj një të mitur – sistematikisht, kur e njejta kërkon ndihmë prej tij.
Sidoqoftë, duhet të jemi të kujdesshëm që hija e keqe mos të bie mbi krejt policinë.
Besoj që të gjithë pajtohemi që në mesin e policëve, ka shumë individ që në baza ditore, sakrifikojnë çdo ditë, që ne ta kemi jetën më të sigurt.
