Edhe profesori i Shkencave të Sigurisë, Avni Islami i ka reaguar imamit të një xhamie në Rahovec, Bedri Bytyqit, i cili për rastin e përdhunimit të një të miture në Denas nga profesori dhe pastaj nga një zyrtar policor e ka bë përgjegjës edhe vajzën.
Ai ka thënë se, edhe veshja provokative në shkollë e nxënëses ka nxitur mësuesin e paedukatë që ta ngacmojë.
Islami e quan pseudo imam, Bytyqin, ndërsa shton se të vjen me vjell nga ai.
Ai thotë se, imami Bytyqi nuk e përfaqëson islamin, andaj bën thirrje që të largohet nga shtëpia e Zotit.
“Një deklaratë i një pseudo Imami, një turp i BIK-ut, tha: Përgjegjës për dhunim e abuzim seksual ishte vajza, sepse ajo ishe veshur në mënyrë "Provokative". Ky i ashtuquajtur Imam, të shtinë me vjell, ky nuk e përfaqëson Islamin i cili mi mësoi vlerat ma të nalta të civilizimit njerëzorë, ky Islam që mue ma mësoi kodin e ; moralit e të mirësjelljes. Ky Imam mundet me kanë gjithçka vetëm Imam jo. BIK, largoi nga shtëpitë e Zotit këta të pa fe”, shkruan Islami, transmeton gazeta “Bota sot”.