Ministri i Arsimit Shkencës dhe Teknologjiës së Kosovës, Shyqyri Bytyqi, sot ka njoftuar se ka marrë një vendim, i cili pritet të ndikojë në përmirësimin e kualitetit në arsim, ka urdhëruar vendosjen e kutiave të ankesave nëpër çdo institucion arsimorë.
Ja njoftimi i ministrit Bytyqi.
Të dashur qytetarë,
Sot kam marrë vendim që në të gjitha institucionet arsimore të arsimit parauniversitar në Republikën e Kosovës të vendosen kutitë e ankesave.
Për zbatimin e këtij vendimi, kam obliguar Drejtoritë Komunale të Arsimit, ndërsa, kutitë e ankesave do të jenë nën menaxhimin e Inspektoratit të Arsimit për një periudhë kalimtare (minimumi 1 vit).
Këtë vendim, e kam marrë me qëllim që të mundësohet parashtrimi i ankesave eventuale lidhur me parregullsitë në institucionet e arsimit parauniversitar.
