Sabit Geci: Hashim Thaçi nuk dëshiron të takohet me mua - Bota Sot
Sabit Geci: Hashim Thaçi nuk dëshiron të takohet me mua

Aktuale

Sabit Geci: Hashim Thaçi nuk dëshiron të takohet me mua

Më: 13 shkurt 2019 Në ora: 08:56

Ish- komandanti i Zonës Operative të Drenicës, Sabit Geci, ka thënë se nuk ka më dëshirë të takohet me Hashim Thaçin.

Sabit Geci, në “Debat Plus” me Ermal Panduri në RTV Dukagjini, ka thënë se nuk e ka takuar Hashim Thaçin [pas daljes nga burgu], dhe ai thotë se tashmë as vet nuk ka dëshirë të takohet me Hashim Thaçin.

“Nuk e di pse [nuk ka ardhur të më takojë Thaçi]. Po e shoh që bëhen thirrje për takime me grupet që kanë dalë nga burgu, por mua askush nuk më ka ftuar. Kanë hyrë në gjynah me mua dhe familjen time, prandaj kam vendosur të dalë e të flasë”.

“Asnjëherë prej vitit 2000 kur unë kam hyrë në burg, askush nuk e ka ndihmuar familjen time”, tha ai.

Geci ka thënë se nëse dikush nga liderët ka diçka ndaj tij le ta thotë publikisht, por ai e quan të paarsyeshme anashkalimin e tij.

“Nuk e di pse po frikohen [liderët që nuk takohen]. Ju kam bërë disa herë thirrje, tregoni o burra mos i kam bërë keq dikujt. Tregoni publikisht, unë nuk i iki asaj që e kam bërë”.

Ish- komandantit të Zonës Operative të Drenicës i ka mbetur hatri edhe me Sylejman Selimin e cili e kishte anashkaluar atë nga një fjalim.

“E kuptoj Sylejman Selimin sepse ka pasur probleme shëndetësore. Vetëm për atë arsye e arsyetoj, jo për tjerat. Nuk më përmendi burri i dheut, e shkurtoi biografinë e tij prej një viti e gjysmë, që ka ngrënë bukë te unë”, tha ndër të tjera Sabit Geci.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...