Bashkekryesuesi i ekipit negociator, Shpend Ahmeti, u ka bërë thirrje liderëve politik që të dakordohen lidhur me largimin apo mbajtjen e taksës 100% për produktet nga Serbia dhe Bosnja dhe Hercegovina.
Ai ka thënë se gjendja është seriose karshi raporteve Kosovë-SHBA, mirëpo Haradinaj nuk duhet të lihet i vetëm në këte situatë.
Këto komente Ahmeti i bëri pas takimit me krerët shptetëror Thaçi-Veseli-Haradinaj-Limaj.
Ai tha se ky takim ishte thirrur nga Kryetari i Kuvendit për të qartësuar se a kanë pranuar të gjithë liderët letrën e ashpër, të dërguar dje nga SHBA-të lidhur me taksën.
Ahmeti poashtu njoftoi se në këtë takim u diskutua edhe për platformën e dialogut Kosovë-Serbi, mirepo ende nuk ka asgjë konkrete ndërsa pritet që të finalizohet të premten.