Kryetari i LDK-së, Isa Mustafa, ka ngushëlluar familjen e Idriz Ajetit, akadamikut i cili ndërroi jetë.
Ky është telegrami i plotë i ngushëllimit:
E nderuara familje Ajeti,
Vdekja e Idriz Ajetit është një humbje e madhe për familjen, LDK-në, Akademinë e Shkencave dhe Arteve dhe gjithë shoqërinë tonë.
Akademik Idriz Ajeti dha kontribut të madh në jetën shkencore, politike dhe kulturore në vendin tonë.
Kosova ka humbur intelektualin dhe veprimtarin i cili jetën e tij ia kushtoi zhvillimit të albanologjisë.
Ngushëllime familjes, kolegëve dhe gjithë qytetarëve.
