Ministri Ismajli: Ordinanca nuk ka plotësuar kushtet në rastin e të miturës nga Drenasi - Bota Sot
Ministri Ismajli: Ordinanca nuk ka plotësuar kushtet në rastin e të miturës nga Drenasi

Aktuale

Ministri Ismajli: Ordinanca nuk ka plotësuar kushtet në rastin e të miturës nga Drenasi

Më: 15 shkurt 2019 Në ora: 11:24
Në mbledhjen e komisionit për shëndetësi dhe mirëqenie sociale

Rasti i të 16 vjeçares nga Drenasi ka prekur ndërgjegjen institucionale. Ndërsa, numër i madh i aborteve nuk raportohen nga ambulantat private. Në ambulanten "Kestrina", përveç mungesës së licencës, janë bërë shkelje etike dhe nuk janë ofruar kushtet e duhura për abort.

Kështu u tha në mbledhjen e komisionit për shëndetësi dhe mirëqenie sociale.

Kryetarja e komisionit, Besa Baftiu tha se kjo mbledhje është urgjente, si shkak edhe i rastit të miturës nga Drenasi.

"Ne dimë se abortet duhet të bëhen në institucione publike. Ky rast na ka prekur të gjithëve. Ka 20 vite nga paslufta, barra bie në të gjitha qeverisjet e deritanishme. Nuk ka udhëzim administrativ që përcakton licencimin e institucioneve. E dimë që numri i institucioneve është 1300, por sa po monitorohen këtë institucione, a do të rritet numri i inspektorëve, çka është plani i ministrisë në këtë drejtim. E dimë se sot në barnatore shkon e merr tabletin për abortim, neve sot këto na interesojnë", ka thënë Baftiu.

Ministri i Shëndetësisë, Uran Ismajli tha se rasti i të miturës ka qenë rast që ka prekur ndërgjegjen e të gjithëve. Përpos dhimbjes, ai tha se do të dalin me politika që e mitura tjetër mos të përjetojë të njëjtën gjë.

"Në vendin tonë ekziston një numër i madh i institucioneve private. Nga informatat e fundit sektori private 1606 janë të licencuara. Veprimtaria private është ligjërisht e barabartë me ato publike. I tërë procesi i licencimit paraqet një varg procedurash. Obligimi për rilicencim nuk bie mbi Ministrinë e Shëndetësisë, por mbi atë që ka kërkuar licencën. Barra e përgjegjësisë duhet të jetë dy vjet më herët për licencim", tha ai.

Ai ka folur edhe për rastin e gjinekologut, Fehmi Ahmeti, i cili dyshohet se ka kryer abortin e 16 vjeçares nga Drenasi, për të cilin deklaroi se janë bërë shkelje ligjore e etike.

"Për abort kërkohen disa kushte, ordinanca "Kestrina", nuk i ka plotësu ato kushte, më 15 janar kur e ka kryer e mitura abortin, përveç licencimit nuk ka pasur as kushtet për abort. Ne nuk kemi pasur informata nëse ka licencë apo jo, Ahmeti nuk ka ardhur me kërkuar licencë. Vendimi për hetimin e Odës së Mjekëve, ka filluar dhe janë njoftuar. Aty ka pasur shumë shkelje ligjore, etike, ku nuk është regjistruar as rasti i të miturës. Inspektorati ka punuar një kohë të gjatë, janë 10 inspektorë shëndetësorë, në vitin e ardhshëm kemi planifikuar që këtë numër ta dyfishojmë", tha ai.

Ndërsa, Haxhi Avdyli nga LDK tha se duhet të luftohet korrupsioni në këto institucione. Ai tha se ligji i pagave i ka defunksionalizuar inspektorët shëndetësorë, me 3,5 duke krahasuar koeficientin e prokurorëve dhe gjyqtarëve.

E Fatmire Kollqaku nga VV, tha se detyra parësore është licencimi dhe mbikëqyrja e institucioneve.

Kollqaku mes tjerash ka thënë se nuk duhet të ketë mëshirë për ata që punojnë pa licencë.

Naser Rugova tha se rasti i 16 vjeçares nga Drenasi tha se ka prekur ndërgjegjen institucionale.

"Uroj që ky rast të troket në ndërgjegjen institucionale dhe të kthej reflektorët ndaj saj", ka thënë ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...