Arbër Vllahiu, ambasador për Kosovën në Çeki. përmes një postimi në rrjetin social Facebook, ka kujtuar mikun e tij për shuarjen nga jeta Hivzi Krasniqi, përcjell “Bota sot”.
Ai tutje shkrun se, e trishtueshme mu duk çdo gjë, miku im. E gjatë nata dhe kujtimet pa fund për ty, njeriun e dashtun. Plot 30 vjet mbushen që kur më dhe forcën e kurajen të merrem me radio gazetarinë.
Përndryshe Hivzi Krasniqi ka treguar prirje të dalluar në shkrimin e teksteve të këngëve hit dhe kështu pas vetes ka lënë mbi 1.000 tekste të dalluara me të cilat ka lënë gjurmë të pashlyeshme edhe në këtë lëmi.
Postimi i plotë:
Miku im, Hivzi. Nuk e prita lajmin e shuarjes tënde, në mes të natës, meqëne dija sa fort kishe lidh besën me jetën që e doje dhe e çmoje shumë. Nuk e besova se me kaq papritur do të kesh ikë pa e thënë edhe një fjalë dhe pa e dëgju edhe një qeshje tënden me shpirt. E trishtueshme mu duk çdo gjë, miku im. E gjatë nata dhe kujtimet pa fund për ty, njeriun e dashtun. Plot 30 vjet mbushen që kur më dhe forcën e kurajen të merrem me radio gazetarinë. Nuk ishe vetëm një redaktor imi në Radio Prishtinën e atëhershme, por mik dhe shumë herë prind, që më drejtove në jetë. Ti ishe zëri i radios së secilit qytetar, ishe shpirti i tyre. Ti ju dhe jetë këngëve shqipe. Nuk dua ta besoj ende se ke ikë në amshim. Por ti pusho i qetë tani, e ne do të mbajmë në zemër ty dhe kujtimet tona. Me zemër të thyer, Lamtumirë Hivzi!