Presidenti Hashim Thaçi në përvjetorin e 11 të Pavarësisë së Kosovës ka shpërndarë në Facebook një foto me komandantin Legjendar të UÇK-së, Adem Jashari.
Kjo fotografi ka bërë që komentuesit ta akuzojnë Thaçin në forma të ndryshme.
“11 vjet pavarësi! Nderime të përjetshme bashkëluftëtarit tim të orëve të para të UÇK-së, komandantit legjendar Adem Jashari dhe familjes së tij për sakrificën sublime. Nderime gjithë dëshmorëve të kombit”, ka shkruar Thaçi në Facebook.
Komentuesit kanë reaguar duke e quajtur fillimisht si një fotomontazh, shkruan "Bota sot".
“Me foto montazh a”, “Njeriun që e tradhtove në orët e para”, “Me kanë bashkëluftëtar se kishit lanë vetun”, “Veç mos e tradhto, se i ki premtu armikut veriun e vendit për të cilin legjendari yt dha tërë familjen e vet”, kanë shkruar disa nga komentuesit.
Më lartë mund t'i shihni disa nga komentet që janë shkruar në drejtim të të parit të vendit.