Serbëve iu pengon spoti i tenorit Ramë Lahaj, thonë se iu këndohet “terroristëve” dhe “Ushtrisë së Kosovës” - Bota Sot
Serbëve iu pengon spoti i tenorit Ramë Lahaj, thonë se iu këndohet “terroristëve” dhe “Ushtrisë së Kosovës”

Aktuale

Serbëve iu pengon spoti i tenorit Ramë Lahaj, thonë se iu këndohet “terroristëve” dhe “Ushtrisë së Kosovës”

Nga: F.B Më: 17 shkurt 2019 Në ora: 18:13
Pamje nga klipi i tenorit Ramë Lahajt

Tenori shqiptar Ramë Lahaj me rastin e 11 vjetorit të Pavarësisë së Kosovës ka publikuar spotin e këngës “Rrjedh në këngë e ligjërime” që ka theksuar se ajo do të jetë “porosi e shpresës”, mirëpo mediat serbe kanë reaguar duke e quajtur këngë që iu këndohet terroristëve edhe “Ushtrisë së Kosovës, shkruan “Telegraf”, transmeton “Bota Sot”.

Ata theksojnë se këngëtari paraqet “Ushtrinë e Kosovës” të pajisur me pajisje ushtarake që kalon një mal dhe mu në maje të saj vendos flamurin e shtetit të Kosovës.

“Në këto kohë të vështira kur flitet për kufij dhe kur shumë të rinj ikin nga vendi, dua që ky spot edhe kjo këngë të jetë porosi e shpresës. Së bashku me FSK po ngriti flamurin dhe njëzëri themi ‘ Mos prekni kufijtë tanë’”, ka shkruar Lahaj në facebook.

Në spot shfaqen pamje e skena nga figura të njohura shqiptare, vendosja e luleve tek varri i presidentit të parë të Kosovës Ibrahim Rugova, Gonxhe Bojaxhiut- nënë Terezës, Skenderbeut, Rita Orës, Dua Lipës, Shaqirit kur bënë shqiponjën në ndeshjen e Zvicrës kundër Serbisë, duke i kënduar “Ushtrisë së Kosovës”.

Ndërsa komentet e mëposhtme në këtë shkrim janë tmerruese edhe fyese ndaj Kosovës edhe festës së saj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...