Haradinaj: S’jam i gatshëm për zgjedhje, jam i gatshëm të punoj

Aktuale

Haradinaj: S’jam i gatshëm për zgjedhje, jam i gatshëm të punoj

Më: 19 shkurt 2019 Në ora: 14:56
Ramush Haradinaj

“Më pëlqen ideja e Behgjet Pacollit për takim të përbashkët. Pse jo, një takim i mirë. Njohja nga Serbia duhet të vijë si kërkimfalje”, tha Haradinaj.

Ndërkaq, sa i përket platformës për dialog, kreu i Qeverisë tha se konsultohet kohë-pas-kohe edhe me dy partitë opozitare, LDK-në e VV-në.

“Kur po kam mundësi po konsultohem edhe me ta. Nëse ata mendojnë që zgjedhjet janë të nevojshme, ata mund të përshpejtojnë, por këtë proces nuk e pengojnë nëse bëhen pjesë e këtij procesi të dialogut. Edhe VV edhe LDK duhet të kyçen në dialog”, theksoi Haradinaj.

Ai tha se zgjedhjet mund të vijnë çdo ditë dhe se për zgjedhje “nuk ka nevojë me u bë nervoz”.

“Mjafton të bëhen 61 deputetë. Nuk jam i gatshëm të shkoj në zgjedhje, jam i gatshëm të punoj”, tha ai.

Shefi i ekzekutivit foli edhe për ndërmjetësen e dialogut Kosovë-Serbi, Federica Mogherinin, për të cilën tha: “Mogherini le ta nxjerrë atë dialog në dritë e mos ta mbajë të fshehtë”.

Në mbledhjen e Qeverisë, është aprovuar edhe themelimi i Komisionit për kontrollin e tregtisë me mallra strategjike.

Gjithashtu u miratua edhe strategjia për ndryshimet klimatike 2019-2028.

Është miratuar edhe propozim vendimi preliminar për shpronësimin e pronave të cilat preken nga ndërtimi i autostradës Prishtinë-Pejë, segmenti Kijevë-Klinë-Zahaq.

commentFirst article
Sot mund të lexoni Shfletoni kopertinat