Ish- kancelari gjerman Gerhard Shroder ka deklaruar se vendosja e taksës ndaj Prishtinës në mallrat serbe një veprim I keq dhe heqja e tyre është parakusht që palët të kthehen në dialog, ka thënë ai në intervistën për “Blic” transmeton “Bota Sot”.
Shroder ka thënë se „ është i sigurt se Prishtina herët a vonë do të duhet të heq taksa të vendosura ndaj Serbisë“.
Ky është mendimi i Bashkimit Evropian ka theksuar Shroder që beson se viti 2025 është afati real që Serbia të bëhet pjesë e Ballkanit Evropian.
Sipas ish-kancelarit gjerman Shroder, Serbia nuk do të duhet të vendoset para dilemës të bëhet pjesë e BE-së apo të mbetet mik i Rusisë, sepse edhe njëra edhe tjetra është e mundshme.
Edhe vetë Gjermania dhe populli gjerman sikur edhe populli serb dëshiron që Serbia të bëhet pjesë e BE-së dhe të mbetet vend mik me Rusinë ka thënë Shroder. I pyetur rreth protestave në Serbi, Shroder është përgjigjur se nuk mund të vlerësoj situatën e brendshme në Serbi, por qytetarët kanë të drejtë të protestojnë.
Gazeta ka njoftuar edhe se Shroder është në vizitë në Serbi dhe do të takohet edhe me presidentin e Serbisë Aleksandar Vuçiq.
