Pse u lëkund qëndrimi Amerikan në raport me Kosovën dhe Serbinë? - Bota Sot
Pse u lëkund qëndrimi Amerikan në raport me Kosovën dhe Serbinë?

Aktuale

Pse u lëkund qëndrimi Amerikan në raport me Kosovën dhe Serbinë?

Nga: N.Sh Më: 20 shkurt 2019 Në ora: 21:22
Aleksandër Vuçiq, Hashim Thaçi

Ish-kryetari i Lëvizjes për Bashkim, Avni Klinaku përmes një postimi në Facebook, tregon se si dhe pse ka ndryshuar qëndrimi i Shteteve të Bashkuara të Amerikës në raportet Kosovë-Serbi.

Klinaku thotë se nuk ka pasur asnjë dyshim qëndrimi dhe mbështetja e Amerikës për Kosovën.

“Ndryshimi i qëndrimit amerikan ka të bëjë vetëm me raportet Kosovë-Serbi, përkatësisht me mënyrën e zgjidhjes së problemeve të mbetura Kosovë-Serbi pas shpalljes së pavarësisë”, shkruan ai, transmeton gazeta “Bota sot”.

Ai thotë se deri në vitin e kaluar qëndrimi ishte i palëkundur për çështjet e mbetura e të pazgjidhura në mes të Kosovës dhe Serbisë.

 Ja shkrimi i tij:

Sa dhe pse ka ndryshuar qëndrimi amerikan në lidhje me raportet Kosovë-Serbi

Fillimisht, që është shumë e rëndësishme, qëndrimi dhe mbështetja e SHBA-ve për Kosovën dhe pavarësinë e saj nuk ka pësuar asnjë ndryshim.

Ndryshimi i qëndrimit amerikan ka të bëjë vetëm me raportet Kosovë-Serbi, përkatësisht me mënyrën e zgjidhjes së problemeve të mbetura Kosovë-Serbi pas shpalljes së pavarësisë.

Deri në vitin e kaluar SHBA-të kanë mbajtur qëndrimin e palëkundur se çështjet e mbetura të pazgjidhura në mes të Kosovës dhe Serbisë duhet të gjenden brenda kufijve ekzistues dhe nuk ka lejuar që palët të dalin jashtë këtyre kornizave. Kështu, për të mos lejuar që Serbia të renditet në krahun lindor, pra në krahun rus, SHBA-të janë angazhuar që Serbia të shkojë në drejtim të BE-së dhe për arritur këtë padyshim që Serbia do të duhej ta njohë Kosovën dhe të ketë një marrëveshje për kufijtë. Por, pas shumë vitesh, kjo ka rezultuar e pamundur, përkundër lëshimeve të mëdha që SHBA-të i kanë bërë Serbisë në Kosovë, përmes bisedimeve të Brukselit. Kjo duhet të jetë arsyeja e parë pse SHBA-të, përmes zyrtarëve më të lartë e kanë bërë qartë se tani e tutje, për të ecur përpara, çështja e kufijve nuk do të jetë tabu temë dhe mund të hapet për diskutim nëse ajo çon drejt një marrëveshje përfundimtare.

Arsyeja e dytë bashkë me ngutjen për të gjetur një rrugë tjetër zgjidhjen e këtij problemi është përpjekja amerikane për ta penguar shtrirjen energjike të ndikimit rus në hapësirat ballkanike. Të paktën kështu thonë të gjitha raportet e CIA-s dhe DASH-it. Pra duke gjetur një zgjidhje Kosovë-Serbi edhe Serbisë i hapet rruga drjetë BE-së dhe larg Rusisë, edhe Kosova e shqiptarët forcohen si një elementë antirus në Ballkan.

Këtë ndryshim të qëndrimit amerikan duhet marr shumë seriozisht. Çdo neglizhim që i bëhet këtij faktori mund të na kushtojë shumë shtrenjtë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...