Kryeministri Ramush Haradinaj priti në takim njohës ambasadorin e ri të Turqisë në Kosovë, Çagri Sakar, të cilin e uroi për marrjen e mandatit të ri dhe e falënderoi për mbështetjen e vazhdueshme që Turqia i ka dhënë vendit tonë në periudhat e shtetndërtimit.
Po ashtu, kryeministri Haradinaj e njoftoi diplomatin turk për prioritetet e qeverisë, duke shprehur përkushtimin për thellimin e bashkëpunimit ndërmjet dy vendeve në fushën e ekonomisë dhe fusha të tjera të interesit të përbashkët.
Ndërsa, ambasadori Sakar tha se Republika e Turqisë do të mbështesë edhe më tutje Kosovën në të gjitha aspektet.