Deputeti i AAK-së merr ftesë nga Gjykata Speciale

Aktuale

Deputeti i AAK-së merr ftesë nga Gjykata Speciale

Nga: G.B Më: 21 shkurt 2019 Në ora: 12:40
Blerim Kuçi

Deputeti nga radhët e AAK-së, Blerim Kuçi, ka marrë ftesë që të paraqitet para prokurorit të lartë të Zyrës së Prokurorit të Specializuar në Hagë, me datë 12 Mars 2019, përcjell Bota sot.

Këtë e ka bërë të ditur përmes një njoftimi për mediat, ku ka thënë se do ta përmbush obligimin e tij që të përgjigjet.

Njoftimi i plotë:

Sot kam marrë një fletëthirrje dhe një urdhëresë për t’u paraqitur para prokurorit të lartë të Zyrës së Prokurit të Specializuar në Hagë, me datë 12 Mars 2019.

Natyrisht se unë do ta përmbush obligimin tim dhe do t’i përgjigjem kësaj urdhërese.

Është e sata herë që në këtë mënyrë sfidohen ish pjesëtarët e UÇK-së dhe bëhën përpjekje maksimale që të barazohet lufta jonë për liri me krimet më makabre që Serbia e ka bërë në Kosovë. Unë jam i bindur se edhe kjo përpjekje, si të gjitha të tjerat deri me tash, do të dështojë.

Për momentin krejt çfarë di e kam për të deklaruar për opinionin pubik, është kaq sa thash më sipër.

Kërkoj mirëkuptimin e medias që deri në një zhvillim të ri, të më kursejnë nga kërkesat për informata të tjera. 

Blerim Kuçi.

commentFirst article
Sot mund të lexoni Shfletoni kopertinat