Shefi i Grupit Parlamentar të LDK’së Avdullah Hoti ka reaguar ndaj deklaratave të Blerim Shalës, këshilltar i presidentit Hashim Thaçi. Shala tha në Pressing në T7 se duhet të arrihet një marrëveshje finale në mes të Kosovës dhe Serbisë.
Sipas Hotit, njerëzit që paguhen nga taksat e qytetarëve po promovojnë idenë e Thaçit për copëtimin e Kosovës.
“Eshte e tmerrshme qe i gjithe ekipi i zyres se Presidentit, qe paguhen me taksat e qytetareve te Republikes se Kosoves, jane angazhuar per te arsyetuar idene e shefit te tyre per copetimin e shtetit te Kosoves. Sonte njeri prej tyre, qe kane qene pjese e te gjitha etapave te shtetndertimit te Kosoves, e arsyeton me pasion nje marreveshje te balancuar me Serbine, ku Serbia duhet te marre dicka. Per keqardhje”, shkruan Hoti në Facebook.
LDK është shprehur vazhdimisht kundër idesë së presidentit Hashim Thaçi për shkëmbim territoresh.
