Deputetët e Kuvendit kanë mbajtur një minutë heshtje në nder të viktimave në betejën e Likoshanit dhe Qirezit, ku sot po shënohet përvjetori.
Deputetja e PDK-së, Ganimete Musliu ka kërkuar nga kryeparlamentari që të mbahet një minutë heshtje për t’i nderuar të rënët e këtyre fshatrave të Drenicës.
Më pas, Veseli ka kërkuar një minut heshtje nga deputetët.
Sot janë bërë 21 vjet nga fillimi i luftës në Kosovë, e cila nisi në fshatrat e Drenicës, Likoshan dhe Qirez, ku te vendi i quajtur “Te gjashtë lisat” u zhvilluan luftimet mes Ushtrisë Çlirimtare të Kosovës dhe forcave kriminale serbe.
