Sveçla flet për gjendjen shëndetësore të Kurtit

Aktuale

Sveçla flet për gjendjen shëndetësore të Kurtit

Më: 1 mars 2019 Në ora: 23:46
Albin Kurti

Deputeti i Lëvizjes Vetëvendosje Xhelal Sveçla ka folur në emisionin DPT në T7 për gjendjen shëndetësore të kryetarit të VV’së, Albin Kurti.

Anëtari i VV’së tha se Kurti është shtruar në QKUK në gjendje të rëndë por falë kujdesit adekuat gjendja e tij është përmirësuar.

Sveçla ka shpjeguar se fillimisht ishte dyshuar se Kurti po vuante nga gripi sezonal për tu kuptuar më pas se kishte bronkopneumoni.

“Kemi dyshuar për grip por nuk ka qenë grip. Ka qenë i shtrirë dy net në QKUK dhe gjendja e tij është përmirësuar”, tha Sveçla.

“Ka qenë në gjendje të rëndë por është përmirësuar. Tash ai është duke u trajtuar në shtëpi me terapi por edhe duke pushu dhe rimarrë veten’, shtoi ai.

“Një pjesë e përgjegjësisë për gjendjen e tij i shkon vetë Albinit sepse ka punuar pa kurrfarë kufizimi duke sjellë edhe rënien e imunitetit. Është e shërueshme dhe brenda disa ditëve ai do tu rikthehet aktiviteteve të përditshme’, përfundoi Sveçla.

commentFirst article
Sot mund të lexoni Shfletoni kopertinat