Shefi i Grupit Parlamentar të LDK’së, Avdullah Hoti mendon se kryeministri Ramush Haradinaj po rrezikon raportet me Shtetet e Bashkuara të Amerikës si asnjëherë më parë.
Në një intervistë në Rtv 21, Hoti ka thënë se Haradinaj e ka gabim nëse mendon se këmbëngulësia e tij për taksën nuk i dëmton raportet me SHBA.
Madje, Hoti ia përmend Haradinajt se si nuk kishte arritur të merrte vizë amerikane, pikërisht si masë sanksionuese nga SHBA’JA për taksën.
“Nëse Haradinaj mendon që taksa nuk i dëmton raportet me SHBA’në, atëherë le t’i bind ata me i lëshu vizë”, ka thënë Hoti.
Ndërkohë, tashmë janë bërë disa muaj që kur Amerika po kërkon nga Qeveria e Kosovës që të pezullojë vendimin për taksën, për shkak të dialogut.
Pala serbe ka insistuar se nuk do të ulën në tryezën e dialogut, pa u hequr taksa.
