Balli Kombëtar Demokrat ka reaguar pas sulmit terrorist në Zelandën e Re, ku mbetën të vdekur rreth 50 persona.
Përmes një komunikate, BKD thotë se ky akt tregon se terrorizmi nuk njeh asnjë religjion dhe se është e padrejtë që myslimanizmi etiketohet si fe terroriste.
“Balli Kombëtar Demokrat, dënon ashpër sulmin terrorist në Zelandën e Re, ku deri tani mësohet se janë të vrarë 50 persona. Ky akt tregon se terrorizmi nuk njeh asnjë religjion dhe se është e padrejtë që myslimanizmi etiketohet si fe terroriste. Madje, ky rast në Zelandë të Re, është kryer nga një terrorist që adhuronte kriminelët serb, e ndoshta edhe ka pasur lidhje me serbët. Shpresojmë që kjo ngjarje të jetë e fundit në të gjithë botën”, thuhet në komunikatën e BKD-së, përcjellë “Bota sot”.
