Pas sulmit në Zelandë të Re, Policia e Kosovës shton masat e sigurisë - Bota Sot
Pas sulmit në Zelandë të Re, Policia e Kosovës shton masat e sigurisë

Aktuale

Pas sulmit në Zelandë të Re, Policia e Kosovës shton masat e sigurisë

Më: 15 mars 2019 Në ora: 15:12
Policia e Kosovës

Drejtori i Policisë së Kosovës, Rashit Qalaj, ka konfirmuar se Policia e Kosovës ka rritur masat e sigurisë, pas sulmit që ndodhi në Zelandë të Re.

Ai ka thënë se pas çdo sulmi që ndodhë në botë, Policia rrit masat e sigurisë.

“Janë masa të zakonshme që i marrim pas çdo sulmi që ndodh në botë. Kjo është për arsye që të rritet siguria”, ka theksuar Qalaj.

Ndërsa në sulmin që ndodhi në Zelandë të Re, janë vrarë 49 persona dhe kanë mbetur të plagosur disa të tjerë.

Autori i cili dyshohet të ketë kryer sulmet në dy xhami në Zelandë të Re, është australiani 28-vjecar  Brend Tarrant.

Ai para sulmit kishte publikuar një manifest prej 73 faqeve, ku kishte shkruar  se përse kishte përzgjedhur xhamitë në këtë qytet të Zelandës së Re, dhe si ishte frymëzuar nga autori i masakrës në Norvegji, Andres Breivik, që në vitin 2011 vrau 77 persona që kryesisht ishin fëmijë.

Tarrant është arrestuar nga policia e Zelandës, pak minuta pasi kreu sulmin e tij të cilin ai e publiko live në faqen e tij në Facebook.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...