Haradinaj: Veteranëve nuk duhet t’iu ndalen pagat për shkak të disa maskarenjve - Bota Sot
Haradinaj: Veteranëve nuk duhet t’iu ndalen pagat për shkak të disa maskarenjve

Aktuale

Haradinaj: Veteranëve nuk duhet t’iu ndalen pagat për shkak të disa maskarenjve

Më: 18 mars 2019 Në ora: 18:22
Nasim Haradinaj

Nasim Haradinaj nga Organizata e Veteranëve të UÇK-së ka thënë se veteranëve të vërtetë të UÇK-së nuk duhet t’iu ndalen të ardhurat për shkak të mashtruesve që janë futur në listat e veteranëve.

Ai duke folur në RTK1 kërkesën e Prokurorisë për pezullim të pagesave të pensioneve për 19 mijë veteranë, deri në përfundim të procesit gjyqësor, e ka parë si diçka të padrejtë.

Haradinaj ka thënë se Prokuroria po provokon trazira.

“Nuk është e drejtë që njerëzve meritorë t’u ndalen të ardhurat. Le të zbulohen mashtruesit dhe pastaj të detyrohen t’i kthejnë paratë. OVL e UÇK-së i ofron bashkëpunim Prokurorisë. I vërteti nuk duhet të vuajë për shkak të maskarait”, ka thënë ai.

Nga ana tjetër, Xhevdet Qeriqi, veteran i UÇK-së, ka thënë se organeve të drejtësisë duhet dëshmuar që fjala është për veteranë të vërtetë në mënyrë që atyre të mos u ndalohen të ardhurat.

“Mendoj që duhet të bashkëpunojmë si luftëtarë të UÇK-së, që t’iu ofrohet si bazë Prokurorisë dhe Gjykatës, që të mos iu ndalen të ardhurat këtyre veteranëve”, ka thënë ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...