Thaçi e dekreton Projektligjin për mësimdhënësit e viteve të 90-ta - Bota Sot
Thaçi e dekreton Projektligjin për mësimdhënësit e viteve të 90-ta

Aktuale

Thaçi e dekreton Projektligjin për mësimdhënësit e viteve të 90-ta

Më: 19 mars 2019 Në ora: 18:14
Hashim Thaçi

Projektligji për statusin e punëtorëve të arsimit të viteve të 90-ta është dekretuar nga presidenti i Kosovës, Hashim Thaçi.

Në dekretin e Presidentit Hashim Thaçi të cilin e ka siguruar lajmi.net, thuhet se ky ligj do të hyjë në fuqi nga data e nënshkrimit të tij.

Ndryshe Projektligjit për Statusin e punëtorëve të arsimit shqip të Kosovës nga viti shkollor 1990/91 deri në vitin shkollor 1998/99, me gjithë debatin e gjatë nga deputetët, ishte miratuar nga Kuvendi i Kosovës me 71 vota për, 1 kundër dhe 2 abstenime.

Punonjësit e arsimit për ato vite do të paguhen për punën e tyre në vlerën nga 19 deri në 95 euro në muaj.

Pas dekretimit që këto ditë pritet ta bëjë presidenti, ligji hyn në fuqi 15 ditë pas publikimit në Gazetën Zyrtare të Republikës së Kosovës, që rrjedhimisht pagesat do të fillojnë të bëhen gjatë muajit prill të këtij viti.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...