A u ‘pajtuan’ Isa Mustafa e Fatmir Sejdiu? Kjo është përgjigja e ish- presidentit - Bota Sot
A u ‘pajtuan’ Isa Mustafa e Fatmir Sejdiu? Kjo është përgjigja e ish- presidentit

Aktuale

A u ‘pajtuan’ Isa Mustafa e Fatmir Sejdiu? Kjo është përgjigja e ish- presidentit

Më: 19 mars 2019 Në ora: 22:18
Fatmir Sejdiu dhe Isa Mustafa

Ish- presidenti i Kosovës, Fatmir Sejdiu është deklaruar për raportet mes tij dhe kryetarit të LDK-së Isa Mustafa.

Megjithëse mohon të ketë pasur raporte të acaruara me kryetarin Mustafa, Sejdiu thotë se do të vazhdojë të ngrit zërin sa herë që vërenë parregullësi në LDK.

“Raporte personale nuk kam pasur asnjëherë, raporte që trajtohen në opinion…. absolutisht raporte jo të këqija mes njerëzve. Unë kam pasur qëndrimet e mia për zhvillimet e LDK-së, për mosgatishmërinë e saj që të jap përgjigje dhe definicione të qarta. Mendimi tjetër (i imi) nuk është keqadashës, kam qenë një njeri që zëshëm kam shpreh qëndrimin dhe ngritur zërin, mbase dikujt mund t`i ketë mos pëlqyer ose prishje e ndonjë ujdie… dhe këtë do ta bëjë edhe në vazhdim”, u shpreh Sejdiu.

Tutje, duke ndarë kritika në mënyrë të tërthorët në adresë të Mustafës, ai veçoi se LDK nuk duhet të fshihet karshi temave të mëdha që ka vendi.

“Kur jemi te temat e mëdha që ka Kosova, LDK si formacion me kaq numra, nuk mund të jetë dhe nuk guxon të fshehet dhe të rrij anash, por duhet të jap fuqishëm qëndrimin e vetë”, tha Sejdiu.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...